Татарстанда яшьләр өчен тиз очрашулар мәйданчыгы эшләде

Аны «Идел» һәм «Идел — Идел» яшьләр журналлары оештырды.

Мәйданчыкның төп программасы — җиде этапта узган тиз очрашулар. Анда якынча 100 студент катнашып, аралашты һәм яңа танышлар булдырды. Шулай ук интерактив зона һәм «Киләчәккә тавыш» күчмә студиясе эшләде.

«Яшьләр вакыты» фестивале Татарстанның тугыз шәһәрендә — Казан, Яр Чаллы, Түбән Кама, Иннополис, Әлмәт, Алабуга, Чистай, Яшел Үзән һәм Лениногорскида узды. Анда барлыгы 52 мең студент катнашты.

Фестивальдә Татарстан Рәисе Рөстәм Миңнеханов яшьләрнең сайлауларда беренче тапкыр тавыш бирүен билгеләп үтте. «Сез зур илебез, туган республикабыз язмышы һәм үз киләчәгегез өчен тавыш бирдегез», — диде ул.