Марат Әхмәтов сайлауларда тавыш бирде

Ул Казан милли тикшеренү технология университеты (КНИТУ-КХТИ) бинасында урнашкан 55нче сайлау участогына беренчеләрдән булып килде.

Журналистлар белән аралашканда Марат Әхмәтов быелгы сайлау кампаниясенең үзенчәлекле шартларда узуын билгеләп үтте.

«Мин бу сайлауларда халкыбызның актив катнашуын бердәмлеккә сынау дип кабул итәм», — диде ул.

Дәүләт Советы Рәисе вазыйфаларын башкаручы сүзләренчә, Татарстан халкы һәрвакыт иҗтимагый-сәяси яктан актив булды һәм республика язмышын Россия язмышы белән бәйләде. Ул һәр сайлаучының тавышы мөһим булуын ассызыклады.

«Безнең республика халкы һәрвакыт иҗтимагый-сәяси яктан бик актив булды һәм шул ук вакытта үзенең язмышын илебез язмышы белән бәйләде. Һәр сайлаучының тавышы мөһим», — дип билгеләп үтте Марат Әхмәтов.

Ул шулай ук Татарстанның ил икътисадына керткән өлеше һәм республика егетләренең махсус хәрби операциядә катнашуы турында әйтте.

Татарстанда Дәүләт Думасына депутатлар сайлау 18, 19 һәм 20 сентябрьдә уза. Республикада шулай ук 50нче Биектау бермандатлы сайлау округы буенча Татарстан Дәүләт Советына өстәмә депутат сайлау һәм 40 районда җирле үзидарә органнарына депутатлар сайлау үткәрелә. Татарстанда сайлау участоклары көн саен 8:00дән 20:00гә кадәр эшли.