Татарстан — зур гаилә: сайлау участокларында буыннар бәйләнеше

Татарстан Премьер-министры урынбасары Ләйлә Фазлыева Ләйлә Фазлыева фикеренчә, мондый чараларда балалар белән бергә катнашу аеруча мөһим. Бала өчен сайлау участогында булу — гражданлык позициясен формалаштыруның беренче адымы.

«Балалар безгә ышана. Алар һәрвакыт олылар ничек булырга тиешлеген төгәл белә дип саныйлар. Балалар белән бергә участокка килгәч, син үз балаңа вакыт багышлыйсың, аны ил тормышына якынайтасың», — диде ул.

Сайлауларда спортчыларның, Олимпия уеннары һәм төрле халыкара ярышлар җиңүчеләренең катнашуы да яшь буын өчен үрнәк булып тора.

«Кичә мин тагын бер мөһим моментка игътибар иттем: баланың сайлау участогында катнашуы кайчакта аның бөтен язмышын үзгәртергә мөмкин. Сайлау участокларының берсендә спортчы белән аралаштым. Ул спортка унбер-унике яшьләрендә килүен сөйләде. Димәк, бу — балаларга да үрнәк. Бала илнең ничек яшәвен белсен. Ул үзен Татарстанның зур гаиләсе әгъзасы икәнен тойсын», — дип нәтиҗә ясады Ләйлә Фазлыева.