Татарстанда сайлаулар нәтиҗәләре буенча экзитпол мәгълүматлары игълан ителде

КФУның Социаль-фәлсәфи фәннәр һәм массакүләм коммуникацияләр институты директоры Мария Ефлова нәтиҗәләр белән таныштырды. Аның сүзләренчә, сораштырулар үткәрелгән сайлау участокларының 32 проценты — Казанда, 36 проценты — республиканың башка шәһәрләрендә, 32 проценты авыл җирлекләрендә урнашкан. Социологлар барлыгы 18 меңгә якын кешене сораштырган. Аларның якынча 60 проценты ничек тавыш бирүләре турында мәгълүмат белән уртаклашырга ризалык биргән. Тикшеренүдә нәкъ менә шушы җаваплар исәпкә алынган.

Мария Ефлова билгеләп үткәнчә, экзитпол сайлау нәтиҗәләренең бары тик гомуми тенденцияләрен күрсәтә. Сайлауларның төгәл нәтиҗәләрен Татарстан Үзәк сайлау комиссиясе игълан итәчәк.
Экзитпол нәтиҗәләре буенча, партияләр өчен тавышлар түбәндәгечә бүленгән:

«Бердәм Россия» — 71,7 процент;

ЛДПР — 4,3 процент;

«Партия прямой демократии» — 0,4 процент;

«Зеленые» — 0,8 процент;

«Справедливая Россия» — 2,4 процент;

«Родина» — 0,3 процент;

КПРФ — 11,2 процент;

«Партия пенсионеров» — 0,6 процент;

«Коммунисты России» — 0,5 процент;

«Новые люди» — 6,7 процент.

Сораштыруда катнашучыларның 1 проценты бюллетеньнәрен бозганын әйткән.