Казан Мэры: «Табибларга игътибар күрсәтмичә, сәламәтлек саклау өлкәсен үстерү мөмкин түгел»

Бүген Ратушада Татарстан Сәламәтлек саклау министрлыгының Казан буенча Сәламәтлек саклау идарәсенең йомгаклау коллегиясендә инфраструктураны модернизацияләү һәм үстерү, медицина сыйныфлары һәм яңа проектлар турында фикер алыштылар. «Безнең уртак тырышлыгыбыз аркасында 2010 елдан Казан халкының үсеше 132 меңнән артык кеше тәшкил итте. Бу сан барлык сүзләрдән дә аңлаешлырак итеп, бергә эшләүнең нәтиҗәлелеге турында сөйли», - диде Илсур Метшин үз чыгышында.

Утырышта чыгыш ясап В.Жаворонков узган елның төп нәтиҗәләре турында сөйләде. Аның сүзләренә караганда, Казанда күп күрсәткечләр буенча яхшы нәтиҗәләргә ирешелгән. Әйтик, узган ел Казанда халыкның табигый үсеше теркәлгән, ул 1000 кешегә 0,6 тәшкил иткән. Гомуми үлем 1000 кешегә 10,5 дәрәҗәсендә (ТР буенча 1000 кешегә 11,5), туучылар саны 1000 кешегә 11,1 дәрәҗәсендә (Татарстан буенча 9,4). Шул ук вакытта Казанда сабыйлар үлеме күрсәткечләре республика күрсәткечләреннән югарырак булып чыкты. 

В.Жаворонков медицина учреждениеләрен яңартуга аерым тукталды. Быел Сугыш ветераннары өчен госпиталь корпусларының берсендә капиталь ремонт тәмамланды һәм 2нче һәм 16нчы шәһәр хастаханәләрендә яңарту эшләре дәвам итә. Шулай ук 18нче шәһәр үзәк клиник хастаханәсе стационарында керештеләр. Моннан тыш, 1нче балалар хастаханәсендә һәм Ашыгыч медицина ярдәме станциясенең ремонт-механика остаханәләрендә төзекләндерү эшләре бара. 

Владимир Жаворонков шулай ук Салават Күперендә амбулатор хаб булдыру планын игълан итте, ул якынча 10 мең кв.м мәйданны биләячәк. Ул өлкәннәр һәм балалар поликлиникасын, хатын-кызлар консультациясен, травмпунктны һәм ашыгыч медицина ярдәме подстанциясен үз эченә алачак. «Медкомплекс 60 мең кешене колачлар дип көтелә», – дип сөйләде В.Жаворонков. 
 Бүген Казанда 3583 табиб һәм 6779 урта медицина хезмәткәре эшли, шул ук вакытта медицина учреждениеләренең табиблар белән тулылыгы 93,2% тәшкил итә. Илсур Метшин сәламәтлек саклау хезмәткәрләренә хезмәтләре өчен рәхмәт белдерде. «Медицина хезмәткәрләренә игътибар күрсәтмичә, сәламәтлек саклауны үстерү мөмкин түгел», – диде шәһәр башлыгы. 

Утырыш ахырында Илсур Метшин, Марсель Миңнуллин һәм Владимир Жаворонков аеруча аерылып торган медицина хезмәткәрләренә республика һәм шәһәр бүләкләрен тапшырдылар.

Казан мэриясе сайты