Динар Сибгатуллин: “Айфон отуым турында хатыныма шалтыратып әйткәннәр”

Динар тумышы белән Кукмара районының Кенәбаш авылыннан. Бүген гаиләсе белән Кукмараның үзендә яши. “Батыр” балалар сәламәтләндерү-мәгариф үзәгендә эшли.

“Әле дә айфон отканыма ышанып бетә алмыйм. Мин шат, гаиләм дә бик сөенде. Фотобәйге оештыручыларга рәхмәт әйтәсем килә”, – дип шатлыгы белән уртаклашты ул.

Айфон отуы турында хатынына Кукмара газетасы редакциясеннән шалтыратып әйткәннәр. Ышанып бетә алмыйча, интернетка үзе кереп караган. Аннан инде туганнар котлап шалтырата башлады, ди Динар.

Фото белән постны #ВсейСемьейНаВыборы #ТатарстанАлга ике хэштег белән ВКонтакте социаль челтәрендәге шәхси биттә сайлау көннәрендә иртәнге 8дән кичке 8гә кадәр куярга кирәк.