“Мобиль сайлаучы” сервисыннан 32 мең татарстанлы катнашкан

Татарстан үзәк сайлау комиссиясе рәис Андрей Кондратьев матбугат очрашуында шулай дип белдерде.  

– Сайлау участокларында булып, андагы уңай атмосфераны тоярга да өлгердем. Һава торышы да сайлаучыларның кәефе кебек, – диде ул. 
VII чакырылыш Татарстан Дәүләт Советына депутатлар сайлау иртәнге җидедә старт алды. Татарстан территориясендә 2760 сайлау участогы эшли. Хастаханәләр һәм аэропортта вакытлыча 42 участок ачылган. Сайлауларны 81 матбугат чарасының 400 журналисты яктырта.  

Андрей Кондратьев билгеләп үткәнчә, “Мобиль сайлаучы” сервисыннан 32 мең татарстанлы катнашкан. 43 мең кеше өйдә сайларга булган. Мондый мөмкинлекне көндезге сәгать икегә кадәр кулланырга була, дип искәртте спикер.