«Мобилизациягә эләкмәдем, контракт буенча киттем»

Ә волонтерлар оекбаш бәйли, коткару япмалары тегә, коры аш әзерли, маскировка челтәрләре һәм башка күп нәрсәләр ясыйлар. Алгы сызыктагы егетләребезгә ярдәм итүчеләрнең девизы: "Барысы да егетләребез өчен, барысы да җиңү өчен".

"Баркас" позывноен алган хәрби югары артиллерия команда училищесын тәмамлаган. Шуңа күрә махсус хәрби операция зонасына китү мөмкинлеге турында сүз чыккан икән, димәк, шулай тиешле итеп кабул иткән. Моннан тыш, моңарчы хәрби ант биргән.

"Офицер мин. Мобилизациягә эләкмәдем. Һәм шул елны, 19 апрельдә, махсус хәрби операция зонасына киттем. Нәкъ менә үзебезнең Татарстан полкына эләктем. Хәзер менә бердәмләшеп хезмәт итәбез", - ди хәрби.

Яу кырындагы каһарман егетләребезгә район һәм шәһәрләрдә яшәүче битараф булмаган татарстанлылар ярдәм итә. Хәрбиләрнең сүзләренчә, аларга туган якларыннан килгән хатлар дәрт һәм куәт бирә. Ни кызганыч, җавап бирергә генә вакытлары юк аларның. Егетләребез коры аш һәм маскировка челтәрләре өчен дә рәхмәт укый.

"Челтәр үрүче апаларга аерым рәхмәт әйтергә телим. Чөнки биредә дроннар очып кына тора, һәм агачлар сирәгәя. Маскировка челтәрләре кирәк. Алар безгә бик нык ярдәм итә, һәм һәрвакыт кирәк булачак», — дип билгеләп үтте ул.

Моннан тыш, хәрбиләргә һәм аларның гаиләләренә хакимият тә ярдәм итә. Татарстанда контракт буенча хезмәт итүче хәрбиләрнең балалары өчен махсус «Батыр» картасы эшли. Ул балалар бакчасы, барлык түгәрәкләр һәм туклану өчен түләүләрне тулысынча каплый.

Шулай ук «Батыр» картасы белән мәктәп укучылары теләсә кайсы түгәрәк һәм спорт секциясендә бушлай шөгыльләнә һәм озайтылган көн төркеменә йөри ала. Балаларның бер өлкән кеше белән бергә театр һәм музейларга бушлай йөрү мөмкинлеге бар.

Контракт буенча хезмәт итүче хәрбиләрнең балаларына җәйге сәламәтләндерү лагерьларында ял итү өчен өстенлекле хокук бирелә. Алар «Орленок», «Артек» һәм «Океан» лагерьларында ял итә алачак. Шулай ук алар балалар бакчалары һәм мәктәпләргә беренче чиратта алыну хокукына ия.

Махсус хәрби операциядә катнашучыларның балалары югары уку йортларына керү өчен квота ала. Бакалавриат һәм белгечлек программаларына абитуриентларны кабул итүгә мондый квота һәр югары уку йортындагы бюджет урыннарының гомуми санының 10 процентын тәшкил итә. Яраланган һәм һәлак булган хәрбиләрнең балалары югары уку йортларына сынауларсыз керә ала. Элегрәк укырга кереп, түләүле нигездә белем алган очракта, бала бюджетка күчә алачак.
Әгәр контракт буенча хәрби хезмәткәрнең гаиләсенең ипотека буенча бурычлары булса, алар хәрби хезмәттә булган вакытта түләтелми тора.
Искәртеп үтәбез, 27 майда Татарстан Рәисе Рөстәм Миңнеханов Татарстанда контракт төзергә теләүчеләргә түләүне 505 мең сумга кадәр арттырырга карар кылды. Яңа контрактчыларга бер тапкыр бирелә торган матди ярдәмнең гомуми күләме Татарстан шәһәрләре муниципаль районнары һәм предприятиеләреннән ярдәм чараларын исәпкә алганда, миллион сумга кадәр җитәргә мөмкин.

РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Моннан тыш, контракт (1 разряд) буенча хәрби хезмәткә сайлап алу пунктына мөрәҗәгать итәргә була: Казан, Аэропорт урамы, 1/40 йорт, тел.8843 221 44 52. Шулай ук 8800 222 59 00 номеры һәм 117 төбәкара кол-үзәк номеры буенча шалтыратырга мөмкин.