#Кыскача яңалыклар 22 июнь 2020, 12:57

Балаларга тагын 10 мең акча бирәләр

22 июнь 2020, 12:57

Россия Хөкүмәтенә 10 мең сум күләмендәге дәүләт ярдәмен 18 яшькә кадәр булган балаларга бирергә тәкъдим иттеләр.

Скопировать ссылку

Хәтерләсәгез, Владимир Путин 16 яшькә кадәр балалары булган гаиләләргә бер тапкыр 10 мең сум күләмендә акча бирү хакында карар кабул иткән иде.

Федерация Советы исә мондый ярдәм 17, 18 яше тулган балалары булганнарга да кирәклеген искәртте һәм бу уңайдан җыелыш уздырды. Чөнки бу яшьтәге балаларның кайберләре әле мәктәпкә йөри. Федерация Советы әгъзасы Лилия Гөмәрова сүзләренчә, бу ярдәм гомуми белем бирү учреждениеләрендә укыган балаларга да бирелергә тиеш.

Ярдәмнең бирелү-бирелмәве казнадагы акчаны барлагач хәл ителәчәк.

Кызыклы яңалыкларны күзәтеп бару өчен безнең МАХ каналына кушылыгыз.