Гимназия директоры: “Укытучылар үз балалары түгел, үз укучылары турында уйлады”
"Мин бүген хезмәттәшләремә, гимназия хезмәткәрләренә зур рәхмәт әйтергә тиешмен...", ди Әминә Вәлиева.
"Мин бүген хезмәттәшләремә, гимназия хезмәткәрләренә зур рәхмәт әйтергә тиешмен...", ди Әминә Вәлиева.
175 нче гимназия директоры Әминә Вәлиева сүзләренчә, укытучылар, беренче атуларны ишетүгә үк, балаларның куркынычсызлыгы һәм бу очракта нәрсә таләп ителә, барысын да эшләү турында уйлый башлаган, дип яза «Казанские ведомости». Беренче минутта ук тревога төймәсе эшләгән, аннары тиз арада мәктәптә урнаштырылган хәбәр итү системасыннан кабинетларны ябарга, баррикадалар корырга, ишекне беркемгә ачмаска, балаларга идәнгә иелергә кирәклеге турында игълан булган. Директор кайбер укытучыларның үз балалары шушы мәктәптә укуын, башка кабинетларда булуын да искәртеп, аларның беренче чиратта укучылары турында уйлавын да әйткән. “Мин бүген хезмәттәшләремә, гимназия хезмәткәрләренә зур рәхмәт әйтергә тиешмен. Бурычларын үтәп, үз балалары түгел, үз укучылары турында уйладылар”, – дигән Вәлиева.
Чыганак: trt--tv-ru
Фото: kzn.ru
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар