Иркә тормышының иң авыр мизгеле турында сөйләде
Иркә күп җырчылардан туры сүзлеге, кыюлыгы белән аерылып тора. Аның серләре дә юк: эчендәге - тышында. Тормышының иң авыр мизгеле турында да ул түкми-чәчми сөйли.
Иркә күп җырчылардан туры сүзлеге, кыюлыгы белән аерылып тора. Аның серләре дә юк: эчендәге - тышында. Тормышының иң авыр мизгеле турында да ул түкми-чәчми сөйли.
- Авыр вакытлар - ул сәхнәгә аяк баскан мизгелләр иде. Беренче иремнән аерылган чак, үземдә көч туплап эшкә тотындым. Бәлки иремә үземне буш урын түгел икәнемне исбатлыйсым да килгәндер. Шул рәвешле, "Мин әле синнән башка да яши алам", - дип әйтергә теләгәнмендер. Аерылышу миңа зур көч, этәргеч бирде.
- Беренче ирегез белән озак яшәдегезме?
- Ел ярым. Айсылу тугач бергә озак яшәмәдек. Аерылышуны бик авыр кичердем. Ул стрессны дошманыңа да теләмәссең. Үзем дә бит әле яшь... Ярый әле әти-әнием янымда булдылар, алар ярдәме белән күпкә җиңелрәк иде.
Әти-әни Айсылуны карашты, ә мин карьерамны төзедем. Балам авылда булгач, бик сагына идем. Попутка, автобус белән аның янына йөргәннәр әле дә хәтердә. Аннары, машинага акча туплап, аны сатып алып, үзем руль артында йөри башладым. Алай күпкә уңайлырак иде: төнме, иртәме - гастрольдән соң утырдың да юлга чыгып киттең.
Айсылу, кечкенә булуына карамастан, барын да аңлый иде. Әти-әни: "Әниең синең өчен тырыша", - дип үстерде аны. Максат шундый иде бит: ничек тә упкыннан күтәрелеп чыгарга.
- Айсылуның әтисе белән мөнәсәбәтләре нинди соң?
- Аралашмый. Артур белән өйләнешер алдыннан мин аңа: "Без хәзер матур гаилә корып җибәрәбез. Әгәр дә әтиең белән аралашасың килә икән, беркем дә каршы түгел", - дидем. 14 яше тулгач, паспорт алгач та шуны әйттем. Әмма ул: "Юк инде, безне бит бернәрсә дә бәйләми", - диде. Мин әле дә аралашуларына каршы түгел. Теләге бар икән, әтисенең телефонын да, яшәгән урынын да табып бирәм. Кабатлап әйтәм, беркем дә каршы түгел.
Аллага шөкер, кызым бик акыллы, тәүфыйклы. Монда әти-әнием тәрбиясенең өлеше зур. Беркайчан да артыгын сорамас, комаучаламас. Баламның бәхетле булуын телим, юлында бары тик яхшы кешеләр генә очрасын иде.
Вход на сайт
Язмага реакция белдерегез
Мөһим
-
#Җәмгыять
Роспотребнадзор идарәсе: “Быел белем бирү хезмәтләреннән еш зарланалар”
-
#Йолдызнамә
Үзегезгә ышаныгыз һәм төпле аяклар белән алга атлагыз: 12-18 ноябрьгә йолдызнамә
-
#Мәдәният
«Апуш» студиясе Мәскәүдән җиңү белән кайта!
-
#Язмыш
«Абый гел «Ялгыз торна» җырын җырлый иде. Менә мин икән ул ялгыз торна»
-
#Мәгариф
“Lisan.Tatar” – нинди проект һәм ул кемнәр өчен кирәк?
Комментарийлар
13
15
Сон балам ,Иркэ шул Ир аркасында кеше булганынны ботен авыл халкы белэ бит. Хэзер шул ирне хурлап язасын .Азрак кешелекле булырга ойрэтергэ кирэк.Син ул ирнен семьясыннан аерылып китмэячэген белэ Иден. Рэхмэтле була бел ,ул сине купме Акча тугел аякка бастырды.Акча бирмэсэн ,баланы узенэ илтеп ыргытам дигэн сузлэр онытылдымы хэзер... Хэрбер язманда баланын этисэ начар дие, хурлап
0
0
7
22
Иркэ,зинхар игьтибар итмэ бу кешенен сузенэ.Син уз тормышыннын нинди икэнен узен генэ белэсен.Син кечле рухлы,акыллы хатын.,балалар энисе.Без сине БИК Яратабыз.Мин уземдэ эч бала анасы,ике балам белэн аерылып эйлэнмэгэн кешегэ кияугэ чыктым,мин бугенгесе кендэ БИК бэхете,40 яшемдэ Малай таптым.Аллага шекер,балаларын Шундый акыллы,исэн булсыннар.Кенлэшучелэргэ исен китмэсен,Алла узе турылый ул.
0
0
17
17
Хэллэр инде ачыклана тоште! Ир семьясыннан димэк китмэгэн.Дааа
0
0
10
7
Берэу бигрэк Зур ачыш ясаган,китмэгэн икэн ,торсын дальше.Бик исе киткэн Иркэнен,энэ нинди матур гаилэсе бар,яраткан тамашачысы анын эчен улеп тора.
0
0
11
7
Молодец Иркэ без сине яратабыз бер куркак жан аноним язып куйган бэтенесен 1кеше язган инде
0
0