Дамир Бәдриев
«ТАТФАЙТ» халыкара профессиональ көрәш лигасын оештыручы һәм аның генераль директоры Александр Даренков әйтүенчә, турнирда Россия, Казахстан, Армения һәм Бразилия спортчылары катнаша.
— Безгә булышлык күрсәтүләре өчен Татарстан Рәисе Рөстәм Миңнехановка, республика Хөкүмәтенә, Спорт министрлыгына рәхмәт! Тренерлар спортчыларда көч-куәт кенә түгел, ватанпәрвәрлек хисе дә тәрбияли. Без махсус хәрби операцияне яклыйбыз. Турнирга кунак итеп махсус хәрби операциядә катнашкан кешеләр дә чакырылды. «Полнолуние» төркеме чыгыш ясаячак, тамашачылар арасында лотерея да уйнатылачак, — диде Александр Даренков.
Кино гына булмас бу!
Көнчыгыш сугыш сәнгате күрсәтелгән кинофильмнарны күпләр ярата. Казандагы «Пирамида» комплексында спортчыларның ММА, киокусинкай, муай-тай, кикбоксинг, каратэ һәм берләштерелгән каратэ буенча көч сынашуларын үз күзләрең белән күрергә мөмкин булачак. Россия һәм Казахстан спортчылары «иң көчле команда» исеменә дә көрәшәчәк.
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар