Баланы сөннәткә кайчан утыртырга ярый?

Баланы сөннәткә өч яки биш яшьтә утыртырга кирәк, диләр. Имештер, так сан булырга тиеш. Бу чынлап та шулаймы?

Татарстан мөфтие урынбасары Рөстәм хәзрәт Хәйруллин җавап бирә:
- Бала тугач та ата-ананың иң беренче өч бурычы - аңа хәерле исем кушу, әгәр ир бала икән, сөннәткә утырту һәм гакыйка корбаны чалу. Сөннәткә җиденче көнне утырту иң хәерлесе санала. Ул вакытка өлгермәсәгез, ундүртенче көндә, ул вакытка да өлгермәсәгез, егерме беренче көндә. Иртәрәк булган саен, яхшырак. Аерым өч яки биш яшендә сөннәтләргә дигән нәрсә юк ул.