Кредит, ипотека түләүчеләр дә корбан чалдырырга тиешме?

Изге Корбан гаете якынлаша. Быел корбан бәйрәме 12 сентябрьгә туры килә. Гает көннәре якынлашканда, газета укучыларыбызның теләкләрен истә тотып, корбан чалуга кагылышлы сораулар белән без Татарстан мөфтие урынбасары, "Гаилә" мәчете имам хатибы Рөстәм хәзрәт Хәйруллинга мөрәҗәгать иттек.

- Кредит, ипотека түләүчеләр дә корбан чалдырырга тиешме?
- Әгәр кешенең төп ихтыяҗларыннан тыш, ягъни кредит, бурыч яки ипотека түләгәннән соң 20-24 мең сум акчасы кала, гаиләсенә матди яктан авырлык килми икән, алар корбан чалырга тиеш. Без корбан чалганда шуны аңларга тиеш: Аллаһы Тәгаләгә корбанның ите дә, каны да кирәк түгел, Аңа безнең тәкъвалыгыбыз гына ирешә.

Корбан чалу буенча башка үзегезне кызыксындырган сорауларга җавапны алдагы көннәрдә "Шәһри Казан" сайтыннан укый аласыз.