Гел җитди булу кирәкми: 28 май – 4 июньгә йолдызнамә

Кучкар (21 март – 20 апрель) 
Артык ашыгудан туктарга кирәк. Бераз тын алып, янәшәдәгеләрне дә тыңлап кара. Бәлки, кемнеңдер киңәше алтынга тиң булыр. Әмма, үз сүзеңне әйтергә дә онытма. Синең фикерең шәп. 

Үгезбозау (21 апрель – 20 май) 
Кемдер дөньяны коткарырга тырышканда, син тын гына үз эшеңне эшлә. Бел: синең “тыныч” адымнарың шактый ерак юлларга алып бара. Бер генә кисәтү: татлы сүзле кешеләрдән шиклән, баллы кәнфит аркасында тешләр еш авырта.

Игезәкләр (21 май – 21 июнь) 
Бу атнада синең баш шундый тиз эшли, хәтта ут тизлеге дә аны куып тота алмас. Идеяләр ташып тора, тотып кына өлгер! Тик һәр адымны уйлап эшлә. Кичен “мин нишләдем икән?” дип утырырлык булмасын.

Кысла (22 июнь – 22 июль) 
Еш йөрәк белән эш итәсең, әмма бу атнада акылны да кабызып җибәр. Кайбер нәрсәләргә игътибарны артык күп бирү зыянга китерергә мөмкин. Бер адым артка чигенеп, вакыйгага тулы караш белән кара.

Арыслан (23 июль – 23 август) 
Син бөтен дөньяны нурың белән яктыртасың, әмма үзеңә дә ял кирәк. Башкалар өчен кояш булырга теләсәң, батарейкаңны вакытында зарядка алдыр. 

Кыз (24 август – 23 сентябрь) 
Атна дәвамында кыю адымнарга барудан курыкма. Сиңа син  ияләшмәгән шөгыль белән эшләргә туры килергә мөмкин. Ләкин нәтиҗәсе уңышлы булыр. Башкалар да синең арттан иярү ихтималы бар.

Үлчәү (24 сентябрь – 23 октябрь) 
Ике урындыкта да озак утыра алмассың. Бу юлы сайларга туры киләчәк һәм бик тиз арада. Эчке тавышыңны тыңла — ул, гадәттә, ялгышмый. Бәлки, шушы карар синең яңа башлангычларыңа ишек ачар. 

Чаян (24 октябрь – 22 ноябрь) 
Синең карашыңда ук сер ята. Бу атнада кешеләр синең серле ягыңа тартылачак. Файдаланып кал: кирәк кешеләр белән таныш. Тик ныклап сайла.

Укчы (23 ноябрь – 21 декабрь) 
Юллар сине чакыра, күңелең канатлана. Ләкин, кая барсаң да, яхшы кәеф, юмор хисе - яныңда булсын. Бу атна сиңа яңалыклар, кызыклы очрашулар вәгъдә итә. Әзер бул: сюрпризлар арттан куа килер! 

Кәҗәмөгез (22 декабрь – 20 гыйнвар) 
Гел җитди булу кирәкми. Бу атнада, бәлки, ахмак кебек кылану акыллы гамәл булыр. Башкалардан бераз аерылып тору - үзеңне табарга ярдәм итә. 

Сукояр (21 гыйнвар – 19 февраль) 
Кайвакытта дөнья синең арттан куып өлгерми сыман тоела. Дөрес тоела, чөнки син бер адым алда. Тик башкаларны “көтеп тор”. Аңлат, күрсәт, булыш һәм бу сиңа ике тапкыр әйләнеп кайтырга мөмкин.  

Балык (20 февраль – 20 март) 
Хисләр диңгезе гел тын булмый. Ләкин бу атнада дулкыннар артында матур җир күренеп тора. Йөрәкне тыңла, ләкин башыңны сүндермә.