Балагызның башы яхшы эшләсен дисәгез, табыннан бу ризыкларны өзмәгез!

Сигез яшьтә, нигездә, нерв системасы формалашып бетә. Ун яшьлек баланың баш мие массасы зур кешенеке кадәр була. Шуңа күрә, зурларга балаларының туклануына аеруча игътибарлы булырга кирәк.

Барлык мәктәп укучыларына әче сөт ризыклары ашау файдалы. Чөнки алар эчәклек микрофлорасы эшчәнлеген нормальләштерә, ә бу үз чиратында иммунитетны күтәрә.

Баш эшләүгә, сәламәтлеккә һәм үсү өчен бик тә кирәкле булган йодлы ашамлыкларның мөһимлеге турында истән чыгармагыз. Йодка диңгез ризыклары, диңгез балыклары бай.

Балаларның туклану рационында яшелчә, җиләк-җимеш һичшиксез булырга тиеш.