Кишер файдасы: сәламәтлек, күз күрүе һәм матурлык сере

Даими рәвештә кишер куллану организмны ныгыта, күп кенә авыруларны булдырмый калырга ярдәм итә һәм хәтта кәефне дә күтәрә.

Кишернең файдалы үзлекләре

Кишер составында бик күп витаминнар һәм микроэлементлар бар. Аеруча ул бета-каротинга бай, ул организмда А витаминына әверелә.

Кишер:

* күз күрүен яхшырта
* иммунитетны ныгыта
* холестеринны киметә
* нерв системасын тынычландыра
* яман шеш куркынычын киметергә ярдәм итә
* аз канлылыкка каршы көрәшә

Даими рәвештә кишер ашаган кешеләрнең күзләре яхшырак күрә, хәтта эңгер-меңгер вакытта да.

Кишер һәм күз сәламәтлеге

Бета-каротин күз челтәрен ныгыта һәм күрү сәләтен арттыра. Шуңа күрә күзләре начар күргән кешеләргә кишер аеруча файдалы.

Иммунитет һәм авитаминозга каршы

Сезонлы вируслар вакытында кишер согы эчү бик тә файдалы. Ул:

* язгы авитаминоздан коткара
* организмны витаминнар белән баета
* салкын тиюдән саклый

Кишер яман шешкә каршы

Фәнни тикшеренүләр күрсәткәнчә, кишерне даими куллану эчәклек яман шешенә каршы торырга ярдәм итә. Каротиноидлар һәм антиоксидантлар организмны саклый.

Кишернең матурлыкка йогынтысы

Кишер – табигый матурлык чыганагы. Ул:

* тирене чистарта
* чәчләрне куе һәм нык итә
* тешләрне һәм сөякләрне ныгыта

Шуңа күрә: кишер яраткан кешенең чәче куе, тешләре нык, тиресе матур була.

Нерв системасы һәм кәеф

Кишер согында булган В төркеме витаминнары:

* серотонин һәм дофамин бүленеп чыгуга ярдәм итә
* кәефне күтәрә
* депрессия куркынычын киметә

Ашкайнату системасы өчен файдасы

Кишердәге клетчатка:

* эчәклекне чистарта
* токсиннарны чыгара
* эч катуны булдырмый

Бу бавыр эшчәнлеген дә җиңеләйтә.

Кишерне ничек дөрес кулланырга

Белгечләр киңәше буенча:

* олыларга – көненә 1–2 кишер яки 200 мл сок
* балаларга – 1 кишер яки 50–70 мл сок

Файдалырак булсын өчен:

* кишерне парда пешерергә
* яки аз гына майда кыздырырга
* башка яшелчә яки җимеш согы белән кушып эчәргә

Кишернең зыяны бармы?

Кишер бик файдалы булса да, чамадан тыш куллану зыян китерергә мөмкин:

* тире саргаерга мөмкин
* диабетлы кешеләргә сак булырга кирәк
* гастрит яки ашказаны авырулары булганда чикләргә киңәш ителә

Кишер – арзан, ләкин бик файдалы продукт. Ул сәламәтлекне ныгыта, матурлыкны саклый һәм организмга көч бирә. Рационга аны даими кертү – сәламәт тормышның мөһим өлеше.

Хамидә Гарипова

Билгеле булганча, Татарстанда «Азык-төлек иминлеген технологик тәэмин итү» илкүләм проекты гамәлгә ашырыла.