Чәчне ныгыту өчен КИҢӘШЛӘР

Борынгы Мисырда кавыктан, чәч коелганнан түбәндәге рецептны кулланганнар. Ике имбир тамырын угычта уып, суын сыгып алырга да аңа өч аш кашыгы кунжут мае белән берничә тамчы лимон согы кушарга. Барлыкка килгән катнашманы баш тиресенә сыларга һәм 15-30 минут тотарга. Атнасына өч тапкыр кабатлагыз. Катнашманың калганын суыткычта да сакларга була.

Чәчне ныгыта һәм үстерә торган тагын бер рецепт: бер бал кашыгы кастор маена шуның кадәр үк тигәнәк мае белән бер күкәй сарысы кушыгыз. Массаны чәчкә сылап 40 минут тотканнан соң, шампунь белән юып алыгыз. Масканы атнага ике тапкыр эшләргә кирәк.