Чүпләр җыю буенча ике тәкьдим, яки мин ничек Нобель премиясенә дәгъва итәм

Беренчесе. Озакка сузмый гына, чүп-чарны аерым җыю һәм эшкәртү эше оештырыла. Пыя­ла савытларны аерым җыеп, алардан яңа пыя­ла шешәләр эшләп чыгара башлыйлар. Төсле металл әйберләрне дә аерым җыеп, эшкәртү отышлы булачак. Азык-төлек калдыкларыннан менә дигән органик ашлама эшләргә була. Дөрес, болай аерып җыю һәркемнең кулыннан килә торган эш түгел. Шуңа икенче проектым да бар.

Чүп-чар һәм азык-төлек калдыкларын яндыру өчен бик зур мич төзелә. Тирә-юньдә яшәүчеләр сасыдан зарланмасын өчен, мичнең торбасын бик биек итеп эшләргә кирәк. Озын итеп, Айга ук тоташтырып куярга була. Айда кеше яшәми, тавышланып йөрүче булмас. Менә бит чүп проблемасын ничек ансат чишеп бирдем. Моның өчен Нобель премиясе тиештер әле миңа.

Мөслим Камал,
Биектау.