Төсле кәбестәне маринадлыйбыз

2 күчән төсле кәбестә (2 кг 200 гр), 2 кишер, 2 баллы борыч, 100 гр сарымсак, 1 суган, 1-2 ачы борыч, укроп, керән, чия, карлыган яфрагы, дәфнә яфрагы, хуш исле борыч, канәфер, ярты чәй кашыгы 70 процентлы аш серкәсе, петрушка, сарымсак кирәк.

Маринад: 1 литр суга - 2 аш кашыгы тоз, 1 чәй кашыгы ши­кәр комы Төсле кәбестәнең укмаш чәчәкләрен аерып чыгабыз. Болгар борычы белән суганны шакмаклап, кишерне түгәрәкләп турыйбыз. Һәр банка төбенә икешәр карлыган, чия, керән яфрагы, петрушка, ике тырнак сарымсак, ачы борыч, дәфнә яфрагы, 2-3 канәфер салып калдырабыз. Өстенә кәбестә тутырабыз. Өстенә кайнар су салып, өч минут тотабыз, өстенә капкач куябыз. Суны агызып, өстенә кайнар маринад агызып, һәр бер литрлы банкага ярты бал кашыгы аш серкәсе салабыз. Капкач белән ябып, суытырга куябыз.