Армиядән котылырга теләгән егет миллион сум түләячәк

Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий сөйләгәнчә, 2019 елда Казанда яшәүче 21 яшьлек егет ришвәт биреп, армиядән качып котылырга теләгән. Хәрби хезмәткә бармас өчен, егет арадашчы аша 210 мең сум акча тапшырган, аларны комиссариат вәкилләренә тапшырырга кирәк булган.

Егетне ришвәтчелектә гаепле дип таныганнар һәм миллион сумлык штраф рәвешендә җәза билгеләгәннәр.