Франциядә бер ханым ясалма корсакны шартлаткыч кую өчен "әзерләгән"

"Риа Новости" хәбәр итүенчә, полиция хезмәткәрләре гадәти булмаган күренешкә тап булалар: көмәнле булып күренү өчен куелган ясалма корсаклы ханым белән аның ирен тоткарлый алар.

Шик тудырган әлеге парның өен тентегәндә ДАИШ тарафдарларының әсир итеп алган кешеләрне җәзалаган видеоязмалар да табылган. Ә ясалма корсакны исә, террористик максаттан, шартлаткыч яшерү өчен кулланганнар дип фаразлый хокук сакчылары.