Калган товарны сатып бетерү вакытында мошенниклар хәйләсенә ничек эләкмәскә?

Шулай ук сатучы сайттагы заказны гамәлдән чыгарып, җибәрелгән сылтама буенча аны яңадан заказ бирергә тәкъдим итсә, игътибарлы булырга кирәк, дип кисәтә “Касперский лабораториясе”нең өлкән контент-аналитигы Ольга Свистунова.

Аның сүзләренчә, бу онлайн-мошенниклык схемасы булырга мөмкин, “сатучы” теге яки бу сәбәп буенча заказны гамәлдән чыгара һәм аны чит мессенджерда яки почтага фишинг сылтамасын җибәреп яңадан рәсмиләштерүне сорый.

Эксперт почтага, мессенджерларга яки СМС аша килгән шикле хәбәрләрдәге сылтамалар буенча күчмәскә, сатып алуларны тикшерелгән сатучылардан һәм уңай бәяләмәләр булган кибетләрдән алырга, ә онлайн-сатып алулар өчен аерым карта булдырырга һәм анда кирәкле сумма гына акча сакларга киңәш итә.

Үз чиратында, онлайн-кибет сайтына карата шик туса, аның доменын WHOIS-сервислар ярдәмендә тикшерергә кирәк: әгәр ул бөтенләй яңа һәм шәхси затка теркәлгән икән – бу уяулык күрсәтү өчен сәбәп. Шулай ук россиялеләргә адрес юлындагы кибет сайты исеменә игътибар итәргә һәм чит кешеләргә СМС яки push-хәбәр аша алынган кодларны хәбәр итмәскә киңәш ителә.

Ноябрьдә, гадәттәгечә, көзнең ике төп калган товарны сатып бетерү (распродажа) – "11.11" Бөтендөнья шопинг көне һәм «кара җомга» акциясе уза. Россиядә быел алар сигезенче һәм унберенче тапкыр узачак.