Россиядә 1 апрельдән машина йөртү таныклыгы алу өчен СНИЛС таләп ителәчәк

Шул ук вакытта яңалык барысына да кагылмаячак, диелә РФ Хөкүмәте карарында.

Россиядә чит ил дәүләтләренең дипломатик вәкиллекләре һәм консуллык учреждениеләре хезмәткәрләре һәм аларның гаилә әгъзалары, шулай ук РФ Тышкы эшләр министрлыгы каршында аккредитацияләнгән халыкара оешмалар һәм аларның вәкиллекләре хезмәткәрләре машина йөртүчегә кандидат булган очраклар аерым булачак. Моннан тыш, яңа кагыйдәләр СНИЛСлары булмаган Россия гражданлыгы алмаган кешеләргә кагылмаячак.