Ветераннарны Парадта күз карасы кебек саклаячаклар

Трибуналарга аларны социаль аралык саклап, ике урындык аша һәм саклагыч экран белән әйләндереп утыртачаклар.

-Парадка килүчеләрнең барысының да тән температурасы үлчәнеләчәк. Шулай ук хәрбиләр узачак территорияне дезинфекцияләнәчәк. Битлек белән перчаткадан килү таләбе дә куела, - диде Роспотребнадзорның ТР буенча Идарә җитәкчесе урынбасары Любовь Авдонина.

Ветераннарны бәйрәм чарасына махсус машиналарда алып киләчәкләр һәм бәйрәмнән соң  озатып куячаклар. Шулай ук Парад вакытында “ашыгыч ярдәм” машиналары һәм ике медицина пункты дежур торачак.

Билгеле булганча, Бөек Җиңүнең 75 еллыгы уңаеннан Парад, пандемия нәтиҗәсендә күчерелгән иде һәм ул 24 июньдә узачак.