Владимир Путин белән Джо Байден июнь аенда очрашырга мөмкин

Россия Президенты Владимир Путин белән АКШ Президенты Джо Байденның очрашуы июньдә узарга мөмкин, хәтта инде "конкрет дата"лар да билгеләнгән. Бу хакта Путиның ярдәмчесе Юрий Ушаков "Россия 1" телеканалына биргән әңгәмәсендә хәбәр иткән. Дөрес, конкрет даталарны ул тәгаенләмәгән.

Билгеле булганча, Джо Байден Путинга кайсыдыр бер өченче илдә очрашу тәкъдиме белән чыккан иде. Россия Тышкы эшләр министры Сергей Лавров әлеге тәкъдимне позитив рухта кабул ителүен һәм әлеге мәсьәләр буенча анализ алып барылуы турында белдергән иде.