Нурлат районында давыл өермәсе узган

Моннан тыш, социаль әһәмиятле объектлар да зыян күргән. Күпсанлы электр линияләре өзелгән, ут баганалары ауган.
Иң зур зыян «Энергосервис» ҖЧҖ гаражларына килгән, биредә корылмаларның яртысыннан артыгының түбәләрен каерып алган. 

Шәхси сектор да зыян күргән. Район үзәгендәге Сәйдәшев урамындагы берничә гараж түбәсез калган, төзекләндерү эшләре милекчеләр көче белән бара. Шәһәрдә һәм авылларда, аерым алганда Урта һәм Түбән Чаллыда берничә шәхси йорт һәм йорт яны корылмаларының түбәләре зыян күргән. 
Шәһәрнең берничә микрорайонында электр линияләре зыян күргән, торгызу эшләре алып барыла. Нурлат район электр челтәрләре оператив рәвештә урыннарга чыккан, эш дәвам итә. 

Соңгы мәгълүматлар буенча, район халкы арасында зыян күрүчеләр юк.