20 ел элек кешеләре белән югалган машина су астында табылды

Красноярск якларында гадәттән тыш хәлләр министрлыгы хезмәткәрләре су астына төшү буенча күнегүләр уздырганда бер машина табалар. Фаразлар буенча, ул Енисей елгасында 20 ел элек юкка чыккан автомобиль, булырга мөмкин.

"Ләмгә күмелгән машина һәм аның эчендә ике кеше мәете табылды. Беренчел фаразлар буенча, алар 1995 елның ноябрендә хәбәрсез югалган 1957 елгы ир-ат белән 1965 елгы хатын-кыз булырга мөмкин. Алар шәһәрнең Киров районыннан чыгып китә һәм юкка чыга, - ди төбәкнең Эчке эшләр министрлыгы вәкиле Владимир Юрченко..

Әлеге очрак буенча 1996 елда җинаять эше дә кузгатылган була.