#Кыскача яңалыклар 19 гыйнвар 2023, 11:42

450 грамм авырлык белән туган бала исән калган

19 гыйнвар 2023, 11:42

Рязань перинаталь үзәге тарихында бу уникаль очрак. 450 грамм авырлык белән туган баланың исән калуын табиблар могҗизага тиңли.

Скопировать ссылку

62info.ru сайты хәбәр иткәнчә, бала йөклелекнең 27 атнасында дөньга килгән. Кызчык бик зәгыйфь була.
Сабыйда берничә патология табылган, әмма ул аларны җиңеп чыга алган. Перинаталь үзәкнең реанимация һәм интенсив терапия бүлеге табиблары һәм шәфкать туташлары тәүлек әйләнәсендә җитлекми туган сабый янында булган.

Әнисенең йөклелек чоры башта бик яхшы узган. Тик соңрак хатынның хәле начарая, аны ашыгыч рәвештә дәваханәгә китерәләр һәм операция ясыйлар...
Өч айдан соң кызчык 1710 грамм авырлык җыя ала.

"Перинаталь үзәк тарихында 450 грамм авырлык белән туып, исән калган беренче бала", - дигән реанимация һәм интенсив терапия бүлеге мөдире вазыйфаларын башкаручы Софья Филиппова.

Кызыклы яңалыкларны күзәтеп бару өчен безнең МАХ каналына кушылыгыз.