#Кыскача яңалыклар 29 июнь 2023, 11:33

6 яшьлек баланы опекунлыкка алган хатын улын үтерүдә гаепләнә

29 июнь 2023, 11:33

Екатеринбургта югалган 6 яшьлек Далераны үле килеш тапканнар. Аны опекуны Вероника Наумова үтергән дигән шик бар. «КП-Екатеринбург» язганча, 26 июньнән бирле баланы 1500 кеше эзләгән. Шул көнне опекун улы югалу турында хәбәр иткән дә инде.

Скопировать ссылку

Төбәкнең тикшерү комитеты бала берничә ай элек үлгән. Опекуны исә бу турыда әйтмәгән. Шуның белән бәйле рәвештә, тикшерүчеләр җинаять эшен социаль хезмәткәрләргә карата да ачкан, чөнки алар Далерның нинди шартларда яшәвен тикшереп торырга тиеш булган. Вероника Наумованың кызы һәм күршесе сөйләвенчә, алар баланы декабрь аеннан бирле күрмәгәннәр. Далерның гәүдәсен гараж комплексы территориясендә табып алынган. Ул зур сумка эченә яшерелгән булган.

Бала опекуны гаиләсендә 3.5 ел яшәгән. Верониканың ире хәзерге вакытта махсус хәрби операциядә. Гаиләдә барысы алты бала. Өчесе - опекунлыкка алынган. Алар арасында Далерның бертуган апасы да бар. Аңа 15 яшь. Гаиләдә 2 яшьлек бала да яши. Вероника Наумованың үзенә 34 яшь. Ул балалар бакчасында тәрбияче булып эшли. Баланың югалуы турында хәбәр иткәч,

Вероника тикшерүчеләргә, бу хәл алдыннан олырак балалар белән аны махсус учреждениегә тапшырырга кирәклгеге турында сөйләшүен әйтеп, моны Далер ишетеп калып, өйдән качкандыр ди. Верониканы ике тапкыр полиграфта да тикшергәннәр. Әмма бернинди ди шикләнерлек нәрсә табылмый. Шулай да тикшерүчеләр кызларыннан да сораштырырга уйлыйлар. Менә шунда бер кызының сөйләвеннән шикләнәләр дә инде. Шуннан 28 июньдә Вероника Наумованы тоткарлыйлар. Хәзер ул зыян күрүче түгел, шикләнелүче статусында.

«КП-Екатеринбург» аның иренең туганы белән дә сөйләшкән. Ул бу гаилә белән бер түбә астында алты ел яшәгән. Аның сөйләвенчә, опекун хатын Далерны подвалга да ябып торган, өстенә кайнар һәм салкын су агызып җәфалаган, электрошокер белән кыйнаган. Шуннан балада приступлар башлана. Опекун, табибларга балада психик тайпылыш бар дип күрсәтеп, пособие алу өчен, приступларын телефонына яздырып барган.
Хәзер аның ирен дә, тикшерү эшендә катнашу өчен, СВО дан кайтартачаклар.

Кызыклы яңалыкларны күзәтеп бару өчен безнең МАХ каналына кушылыгыз.