#Кыскача яңалыклар 04 март 2023, 20:43

"8 март - әниләр көне, ә син әни түгел, дип язмагыз миңа"

04 март 2023, 20:43

Танылган шагыйрә Лилия Тимергалиева (Сәлах) социаль челтәрдә 8 март белән бәйле хис-кичерешләре белән уртаклашты.

Скопировать ссылку

"8 март - әниләр көне, ә син әни түгел, дип язмагыз миңа, кадерлеләрем. Өч ел элек нәкъ шушы көннәрдә мин хастаханәдә яттым, Ришат белән улыбызның гомере өчен көрәштем. Беркем дә мине аналык хокукыннан мәхрүм итә алмый. Килешәм, Салаватны үстерү насыйп булмады, әмма мин аның әнисе булудан туктамыйм. Төштә аны сирәк күрәм. Ул иң яхшысы, ул фәрештә. Безне көтеп торучы фәрештә. Улымны югалтканнан соң, бик күп гамәлләр кылдым, күңелем кайтып еладым... Ә хәзер үземне өлешләп җыярга һәм яшәргә вакыт җитте. Мин булдырам! Ышанам! Иң яхшысы алда!" - дип язган Лилия.

Кызыклы яңалыкларны күзәтеп бару өчен безнең МАХ каналына кушылыгыз.