Әкәмәт дөнья. Ире үз хатынын атына көнләшкән

39 яшьлек Эми Хоуленд биш яшеннән атта йөрү белән шөгыльләнгән. Кияүгә чыкканда да аның аты булган, ләкин ат 2006 елда үлгән. 2014 елда хатынга Жасмин кушаматлы яңа ат бүләк иткәннәр. Моңа кадәр бер атна алдан хатын-кызга склероз диагнозы куйганнар. Хоуленд сөйләвенчә, Жасмин өчен бу авыр чорда чын коткару чарасы була. Ул яңадан ат спорты белән мавыга, ә ат аның иң якын дустына әверелә.

"Безнең арабыздагы элемтә бик көчле. Мине янында тояр өчен, миңа сырпалана. Минем янәшәдә булуыма ышанасы килә. Ул миңа бик якын. Жасминны иремнән дә күбрәк яратам бугай, - дип истәлекләре белән уртаклашкан Хоуленд.
Хатын сөйләгәнчә, ат пәйда булганнан соң ук ире аттан көнләшә башлаган. Шул ук вакытта Хоуленд чыннан да Жасмин белән күп вакыт үткәрә башлавын таный, чөнки авыруын җиңәр өчен күп тырышлыклар куя. Ә ире һәрвакыт аның күбрәк өй эшләре белән шөгыльләнүен таләп итә.

Хоуленд бер секунд та уйлап тормый, гауга чыга башлагач, 2017 елның сентябрендә ул ире белән аерылышкан. Тиздән британияле Ник исемле ир-ат белән таныша, ул аның атлар белән мавыгуын куәтли генә. 2022 елда алар өйләнешәләр һәм тиздән кызлары туа.