Андрей Кузьмин «Татмедиа» акционерлык җәмгыятенең генераль директоры итеп билгеләнде

Бу хакта ТР Президенты Рөстәм Миңнеханов Яңа ел алдыннан журналистлар белән традицион очрашуда белдерде.

Белешмә өчен: Андрей Кузьмин 1969 елның 28 июнендә Казанда туган. Санкт-Петербургның "Төньяк-Көнбатыш дәүләт хезмәте академиясе" югары һөнәри белем бирү дәүләт мәгариф учреждениесен тәмамлаган.

1995-2004 елларда - "Эфир" телекомпаниясенең төбәк элемтәләре буенча яңалыклар хезмәте хәбәрчесе, мөхәррире, директор урынбасары, "Республика" программасы буенча телевизион хезмәт директоры урынбасары;

2004-2005 елларда - "ПаркСтройИнвест" генераль директоры;

2005-2006 елларда - ТР мәдәният министры урынбасары;

2006-2010 елларда - ТР Министрлар Кабинеты матбугат хезмәте җитәкчесе;

2010 елның мартыннан - ТР Президенты матбугат хезмәте җитәкчесе.

Искәртеп үтик: 2013 елдан «Татмедиа» АҖен Фәрит Шаһиәхмәтов җитәкләгән иде, бүген ул «Татспиртпром» АҖ техник директоры итеп билгеләнде.