Җанвар! 39 яшьлек педофил өченче сыйныф укучысын көчләргә тырышкан

Владивостокта педофил мәктәп янындагы өченче сыйныф укучысына ташлана һәм аны көчләр өчен урманга алып кереп китә. 

Һөҗүм Пирогов урамындагы 16 нчы мәктәп янында була. Иң кыска юл урман-парк полосасы аша уза һәм күп кенә укучылар нәкъ менә шушы маршрут буенча укырга бара. Бу юлдан тугыз яшьлек кыз да дәресләргә йөри.

39 яшьлек педофил кызчыкка ташлана һәм, кулыннан тотып, агачлар эченә сөйрәп алып китә. Мәктәп укучысы ярдәм сорап кычкыра башлый, башка балалар моны күреп, шунда ук укытучыларны чакыралар, алар кызга ярдәмгә урманга ташланалар. Бала канга баткан, киемнәре ертылган була. Укучыны көчләргә тырышкан ирне корбаныннан таяклар белән куалап аралыйлар һәм полиция килгәнче тоталар.

Табиблар кызны мәктәп медпунктында карап чыга. Ачыкланганча, аның тәнендә җитди җәрәхәтләр юк: муены, башы тырналган. Педофилны полиция бүлегенә алып киткәннәр. Лайф басмасы хәбәр итүенчә, бу Приморьедагы Артем шәһәрендә яшәүче 39 яшьлек Анатолий Базарак. Ул берничә тапкыр хөкем ителгән: өчесе урлау, икесе талау, тагын кыйнау һәм җенси көчләү өчен хөкем ителгән. Җинаять эше кузгату мәсьәләсе карала.

Фото: © T.me / SHOT