#Кыскача яңалыклар 21 ноябрь 2023, 15:32

Бала һәм оныклар туганда, никах теркәгәндә, туганнар үлгәндә ял биреләчәк?

21 ноябрь 2023, 15:32

Дәүләт Думасы депутаты Яна Лантратова оныклары туган хезмәткәрләргә өстәмә отпуск бирергә тәкъдим итте. Ул шул хактагы хатны Россия хезмәт һәм социаль яклау министры Антон Котяковка юллаган. Бу хакта «Российская газета» хәбәр итә.

Скопировать ссылку

Хәзер Россия Хезмәт кодексы бала туганда, никахны теркәү өчен, якын туганнары үлгән очракта биш көнлек ял бирү тәкъдимен карый. Мондый очракларда отпуск өчен түләнми, әмма эш бирүче хезмәткәр гаризасы буенча аны бирергә тиеш.

Бу чорда гаилә өчен якыннары ягыннан максималь ярдәм бик мөһим, диде Лантратова. Россиядә өлкән туганнар гадәттәгечә яшьләргә, шул исәптән балаларны тәрбияләү эшендә дә ярдәм итә, диде ул.

Шулай итеп, әби һәм бабайларның 20 проценты үз балалары эштә вакытта оныкларын карый, шул кадәр үк өлкән буын кешеләре ялларны оныклары белән үткәрә. Бары тик өчтән бер өлеше генә оныклары белән атнага бер тапкырдан да азрак күрешә.

Хезмәт һәм социаль яклау министрлыгына мөрәҗәгать текстында Лантратова оныклары туган очракта хезмәткәрләр өчен хезмәт хакын сакламыйча биш көнгә кадәр өстәмә ял кертүнең максатчанлыгын карарга, шулай ук бу мәсьәлә буенча министрлык позициясен белдерергә сорады.

"Татар-информ"

Кызыклы яңалыкларны күзәтеп бару өчен безнең МАХ каналына кушылыгыз.