#Кыскача яңалыклар 15 сентября 2022, 16:41

Быел Татарстанның 117 мәктәбендә «Үсеш ноктасы» үзәкләре эшли башлады

15 сентября 2022, 16:41

Балаларның заманча таләпләргә туры килә торган шартларда сыйфатлы гомуми белем алу мөмкинлеген тәэмин итү – «Мәгариф» милли проектының төп күрсәткечләренең берсе. Әлеге проект ярдәмендә бүген кечкенә генә мәктәпләрдә дә заманча җиһазлар барлыкка килә. Бу бер үк вакытта балаларны укытуга яңача якын килергә мөмкинлек бирә.

Скопировать ссылку

Татарстанда агымдагы елда «Заманча мәктәп» федераль проекты кысаларында авыл җирендә һәм кече шәһәрләрдә урнашкан гомуми белем бирү оешмаларында 117 төгәл фәннәр һәм технологик юнәлештәге мәгариф үзәкләре эшли башлады. «Физика», «Химия» «Биология» фәннәре буенча заманча укыту мөмкинлеге арткан. Шулай ук сыйныфлар төгәл фәннәр һәм технологик юнәлештәге өстәмә белем бирү өчен җиһазландырылган.

«Үсеш ноктасы» үзәкләре мәктәп укучыларына, авыл һәм кече шәһәр педагогларына проект эшчәнлеген оештыру, класстан тыш чаралар, конкурслар үткәрү, дәресләрдә заманча лаборатория һәм робот техникасы җиһазларын кулланып тәҗрибә һәм экспериментлар үткәрү өчен яңа мөмкинлекләр бирә.
Исегезгә төшерәбез, 2019-2022 елларда республикада 370 «Үсеш ноктасы» булдырылган. Шулардан цифрлы һәм гуманитар профильле белем бирү үзәкләре – 139, фән һәм технологик юнәлештәге мәгариф үзәкләре – 231гә җиткән.

Кызыклы яңалыкларны күзәтеп бару өчен Телеграм-каналга кушылыгыз.