Быелгы Нәүрүздә ниләр көтелә

Иртәгә 28 мартта Казанда Нәүрүз бәйрәмен билгеләп үтәчәкләр. Ул Камал театры бинасында 12:00 сәгатьтә башлана. Концерт кысаларында "Адмирал" сәүдә үзәге эшмәкәрләренә ярдәм итү фонды тарафыннан янгында зыян күргәннәргә акча җыю да оештырылган. Бәйрәм кунакларына татар, үзбәк, төрек, азербайҗан, казах, кыргыз һәм башка төрки халыкларның фольклорын чагылдырган җыр-биюле тамаша тәкъдим ителә. Биредә Татарстанның Дәүләт җыр һәм бию ансамбле, "Казан" бию төркеме, "Сорнай" фольклор ансамбле һәм башка танылган артистлар катнашачак.