Бәйрәм төнендә җитди тәртип бозулар булмаган

Яңа ел төнендә Татарстанда 2 меңнән артык полиция хезмәткәре тәртип саклаган.

Эчке эшләр министрлыгы хәбәр итүенчә, җитди тәртип бозулар күзәтелмәгән, ә бәйрәм итү урыннарында полиция хезмәткәрләре әле дә эшли. Республикада 163 чыршы мәйданчыгы әзерләнгән, 400 дән артык полиция хземәткәре анда тәүлек әйләнәсендә сакта тора.

Моннан тыш гражданнар куркынычсызлыгын шәхси сак оешмалары, ирекле халык дружиналары вәкилләре, Росгвардия хезмәткәрләре һәм хәрбиләре, "Форпост" яшьләр үзәге әгъзалары тәэмин итә.