Бюллетеньнәрдә "Бөтенесенә дә каршы" графасы бетереләчәк

Татарстанда җирле үзидарә органнарына сайлауларда бюллетеньнәрдә "Бөтенесенә дә каршы" графасы булмаячак. Бүген Дәүләт советында "Татарстанның Сайлау кодексы һәм кайбер закон чыгару актларына үзгәрешләр кертү турында"гы закон кабул ителде. Бу үзгәрешләрнең берсе әнә шул өлкәгә карый. Дәүләт Советының Дәүләт төзелеше һәм җирле үзидарә комитеты рәисе, бүгенге утырышта закон проектын тәкъдим иткән Альберт Хәбибуллин әйтүенчә, бөтенесенә каршы тавыш бирүчеләр күп булу сайлауларны булмаган дип санауга китерергә һәм яңадан сайлау үткәрүне таләп итәргә мөмкин. Ә бу исә бюджет чыгымнарына китерәчәк.