Чаллы яшьләре кинога төшәргә әзерләнә

Танылган режиссер Федор Бондарчукның Чаллыдагы "КАМАЗ" заводы турында фильм төшерергә җыеначагы турына бер хәбәр иткән идек. Шушы көннәрдә төшерү төркеме Чаллыга килергә тиеш. Бу хакта "ВКонтакте" социаль челтәрендә дә хәбәр ителә. Съемкалар үтәчәк "Гренада" паркында завод турында кино өчен материал әзерләнәчәк, Чаллы яшьләрен дә төшерәчәкләр. "Кадрларда төшү өчен барлык яшьләрне дә паркка чакырабыз", диелгән анда. Федор Бондарчук исә төшерү вакытында вакытлыча Чаллыга күченергә уйлый, ди. Татарстан лидеры режиссерның "КАМАЗ" турында фильм төшерү идеясен уңай бәяли.