Чемпионатны бөтен дөнья караячак

Спортның су төрләре буенча 16 нчы дөнья чемпионаты ярышларын трансляцияләүне бу эшкә хокукы булган 70ләп телерадиокомпания тормышка ашырачак. Шул исәптән, 54 телекомпания һәм 16 радиотапшырулар компаниясе чараларны тамашачыларга җиткерүче сыйфатында эшләргә планлаштыра.

Чемпионатны күбрәк Европа телеканаллары күрсәтәчәк, Япония, Кытай, Сингапур, Филиппин, Бангладеш, Гонконг кебек илләрдән дә берничә телерадиокомпания чемпионат белән килешү төзегән. Моннан тыш чараларны тамашачыга җиткерүчеләр исемлегендә Төньяк һәм Көньяк Америка, Якын Көнчыгыш компанияләре дә бар. Canal+ һәм Eurosport кебек дәрәҗәле компанияләр дә Чемпионат ярышларын тамашачылар игътибарына тәкъдим итәчәк. Чемпионатны 4,5 млрд. кеше караячак.