Дөнья чемпионаты символы Казанга кайта

19 нчы апрельдә Казандагы "МЕГА" сәүдә үзәгендә Спортның су төрләре буенча Дөнья чемпионатына багышланган бәйрәм уза. Биредә 2015 нче елгы Дөнья чемпионаты символы - Казансу суы елгасы тутырылган капсула тәкъдим ителәчәк. 2014 нче елның сентябрендә ул Халыкара космик станциягә озатылып, 167 тәүлек шунда булып кайтты. Бәйрәмдә "Что, Где, Когда" республика турниры җиңүчеләре һәм "Тере су" конкурсында катнашкан Казан сәнгать мәктәпләрендә укучылар бүләкләнәчәк. Аларның эшләрен "МЕГА"да 19 нчы апрельдән 1 нче майга кадәр күреп була. Бәйрәм көндезге сәгать өчтә башлана.