#Кыскача яңалыклар 18 апрель 2018, 14:20

Футбол буенча дөнья чемпионаты матчларына билет сатуның йомгаклау этабы башланды

18 апрель 2018, 14:20

Бүген көндезге уникедә FIFA.com/bilet сайтында футбол буенча дөнья чемпионаты матчларына билет сатуның йомгаклау этабы старт алды. Ул турнир төгәлләнгәнче дәвам итә. Бу хакта чемпионатның рәсми сайтында хәбәр ителә.

Скопировать ссылку

2017 елның сентябреннән FIFA.com/bilet сайтында 1 698 049 билет барлык ил җанатарлары арасында бүленгән. Аларның күп өлеше россиялеләргә туры килгән - 796 875 билет. Футболны яратучылар яшәүче беренче унлыкка АКШ, Бразилия, Колумбия, Германия, Мексика, Аргентина, Перу, Китай, Австралия һәм Англия кергән.

Бүгенге көннән җанатарлар билетларны реаль вакыт режимында тере чират тәртибендә ала алачаклар. Аерым матчларга билетларның дүртенче категориясен алып була, алар Россия резидентлары өчен резервацияләнгән. Чемпионатны оештыручылар җанатарларга билет сатып алуны сузмаска киңәш итә, чөнки билетларга зур ихтыяҗ булу көтелә.

Татар-информ

Кызыклы яңалыкларны күзәтеп бару өчен Т елеграмга кушылыгыз.

#Футбол буенча дөнья чемпионаты #билет