Түбән Каманың 60 еллыгына яңа гимн яңгырады

• Шушы истәлекле дата уңаеннан шәһәрдә яңа гимн тәкъдим ителде. Бу куанычлы яңалык белән Түбән Кама мэры Радмир Беляев үзенең социаль челтәрләрдәге каналында уртаклашты.

Шәһәр башлыгы билгеләп үткәнчә, яңа музыкаль композиция тулысынча туган шәһәргә, анда яшәүче тырыш кешеләргә һәм якты киләчәккә багышланган.

«Бүген Түбән Каманың тагын бер тавышы – аның гимны барлыкка килде. Ул шәһәргә мәхәббәт, анда яшәүче кешеләргә горурлык һәм барыбыз бергә булдырган киләчәк турында яңгырый», — дип язды Радмир Беляев.

Яңа гимн шәһәр халкы тарафыннан җылы кабул ителде һәм алдагы бәйрәм чараларының төп бизәгенә әверелер дип көтелә.

Видео: Радмир Беляевның «Макс» каналы