Сыр сайлаганда нәрсәгә игьтибар итәргә? Роскачество киңәшләре

Төп кагыйдәләр:

Составга игътибар итегез.

 Табигый ярым каты сырның составы гади булырга тиеш: пастеризацияләнгән сыер сөте, тоз, сөт кислотасы микроорганизмнары һәм сөт җыючы фермент.

Рөхсәт ителгән өстәмәләр. 

Составта кальций хлориды (E509), консервантлар (E252, E251 яки табигый лизоцим E1105) һәм табигый буягычлар (аннато E160b, каротин E160a) булуы рөхсәт ителә.

Тышкы кыяфәте. 

Сыйфатлы продуктның кабыгы тигез, юка һәм зыян күрмәгән булырга тиеш. Консистенциясе — эластик яки пластик, ә төсе актан ачык сарыга кадәр.

Сөт маен алмаштыручылар (ЗМЖ). 

Составында үсемлек майлары булган товарларның тышлыгында «сыр технологиясе буенча җитештерелгән сөт маен алмаштыручы сөтле продукт» дип язылырга тиеш. Мондый товарлар кибеттә аерым киштәләрдә торырга тиеш.

Шикле билгеләр.

Экспертлар гади булмаган атамалы һәм бик түбән бәяле продуктлардан сакланырга куша.

Белгеч киңәше: Рационны һәм калорияләрне күзәтүчеләр өчен коры матдәдәге май микъдары аеруча мөһим — ул никадәр югары булса, сыр шулкадәр пластик һәм туклыклы була.