Гаиләдәге низаг аркасында хатын ирен пычак сынарлык итеп чәнчегән

32 яшьлек хатын ачудан 39 яшьлек иренең арттан йөрәк турысына кадаган. Кадавы шулкадәр көчле булган - хәтта пычагы сынып чыккан, ир шунда ук җан биргән, дип хәбәр итә "Челнинские известия".

Хатын-кыз кулга алынган, ул үз гаебен таныган, аңа карата җинаять эше ачылган. Әлеге ир белән хатынның беркайда да эшләмәүләре билгеле. Моңа кадәр хатын урлау һәм мошенниклык буенча җинаять җаваплылыгына тартылган булса, ир тоткында кеше тоту һәм үтерү белән янау буенча суд каршына баскан булган.