Газета журналларга язылу кыйммәтләнерме?

Бүген илнең барлык почта бүлекчәләрендә дә 2015 елның икенче яртыеллыгына язылу кампаниясе башланды. Июнь ахырына кадәр барлык теләге булган кешеләр дә каталогларда тәкъдим ителгән 15 меңнән артык теләсә нинди газета һәм журналга языла алачаксыз.

Шуны да билгеләп үтәргә кирәк, басмаларга язылу барышында көн саен Россия почтасы тарафыннан китерелә торган газеталарның бәясе артмаячак. Әлеге карар федераль басмаларга да, шул ук вакытта региональ басмаларга да кагыла, дип хәбәр итә "Татарстан почтасы" федераль почта элемтәсе идарәсе матбугат хезмәте.