Илсөя Бәдретдинова: "Өйләнәсем килә, дигән. Гастрольгә бергә йөрербез, ди"

Татарстанның атказанган артисты Илсөя Бәдретдинова социаль челтәрдәге сәхифәсендә үзенә ни рәвешле кияүгә чыгарга тәкъдим ясаулары турында язган. 
"Бер ир-ат әйтә миңа кичә: "Сез хатыннар бозылдыгыз... Чалбар киясез. Машинада йөрисез! Акча эшлисез... Хатын-кызлыгыгыз да калмады", - ди.
Ә нишләргә? Яшисе килә бит. Машинасыз өлгереп булмый. За рулем күлмәк киеп йөрергә уңайсыз. Тормыш шулайрак китереп куйды шул... Ирләр эшләргә тиешле бөтен эшне "нужа бабай" үзебезгә эшләргә өйрәтте. 
Берәү яза миңа. Мин инде ике тапкыр сиңа "привет" дип яздым. Өйләнәсем килә иде... Син җавап та бирмәдең ди.
Сезнең "привет"ка , мин "я согласна" дип җавап язарга тиеш идемме?
Икенчесе яза: «Мин башка республикадан. Казанны яратам. Сиңа күченеп килергә риза. Бергә-бергә йөрербез гастрольгә, ди. 
Сүзем юк. Мужики… вы серьезно? 
Ирләр ир була белмәгәнгә, хатыннар "иргә" әйләндеме?
Хатыннар "ир"гә әйләнгәнгә, ирләр хатынлаштымы?" дип язган ул.