Камилә Вәлиеваның допингы тирәсендә янә гауга

Билгеле тренер Татьяна Тарасова фигуристларның допингы өчен тренер җаваплы дип саный. "Россия 1" телеканалындагы «Жизнь и судьба» программасы эфирындагы әңгәмәне sports.ru яза. 

– Анда тәртип бозу булды. Вәлиевада допинг табылды.
– Ничек уйлыйсыз, Камилә әле чыгыш ясаячакмы? 

– Моны аның үзеннән һәм тренерыннан сорарга кирәк. Мин аның урынында һичшиксез чыгыш ясар идем. Ул гаепле түгел, ул моны белмәде. Ул бит аны беркайдан да алмаган, моны аңа беркем дә бирмәгән.
– Евгения Медведева фикеренчә, дүртле сикерү өчен нинди допинг ярдәм итә ала? 

– Ләкин ул табылган. 
– Ә ул чынлап та дөресме икән? Аны лабораториядә берәр җирдә салып булмыймы? 

– Бөтен җирдә лабораториядә тикшерделәр – бездә дә, анда да. Аны нәрсәгә тикшерергә? 
– Александр Жулин берәрсе салгандыр ди. 

– Ул шулай саный, безнең аның белән фикерләребез төрле. Үзеңдә сакларга да ярамаган матдә табылган.
– Вәлиева турында соңгы соравым – менә аларның җыелмасында булган табибның фамилиясе... 

– Фамилиясе мөһим түгел. 
– Филипп Шветский. 

– Әйе, Филипп. Сез миңа врач турында нәрсә әйтергә телисез? 
– Ул допинг белән бәйле эшләрдә ничектер чагылды инде. Ул аларның командасына ничек эләккән булырга мөмкин?

– Бер спортчы да табиб кулыннан бернинди дару алмый. Бу даруны бары тик тренер гына бирә ала. Башкача булуы мөмкин түгел. Ничек инде балалар табибтан шундый дару алырга мөмкин? Тренерсыз бездә берни дә эшләнми, – дигән Тарасова.
Этери Тутберидзеның да җавабы көттермәде. 

Ул Тарасовны допинг турындагы сүзләре өчен гафу үтенергә чакырган: «Бу инде алдан ниятләнгән яла ягу" дигән ул. 
"Бу пычракка батмас өчен, игътибарсыз калдырасы килә. Ләкин бу инде алдан ниятләнгән яла ягу һәм ялган гаепләүләр. Күрәсең, рөхсәт ителгәннең чикләре бөтенләй югалган. Татьяна Анатольевна, бу юлы мин сездән рәсми гафу үтенүләр көтәм", - дип язган Тутберидзе.