Татарстанда ел башыннан урман фонды чикләрендә 224 янгын сүндерелгән

Аларны ачыклау һәм юкка чыгару эшләре «Экологик иминлек» илкүләм проектының «Урманнарны саклау» федераль проекты кысаларында алып барыла.

«Быел урман янгыннары теркәлмәде. Хәзер республика территориясендә янгын куркынычының 3 классы билгеләнде», – диде Татарстан урман хуҗалыгы министрының беренче урынбасары Илгизәр Зарипов.

Министр урынбасары сүзләренчә, Татарстан урманнарында янгын куркынычы сезоны октябрь урталарында ябыла. Бу чорда янгын куркынычы вазгыятен космостан һәм җир өстеннән күзәтү эшләре дәвам итә.

«Урман янгыннары куркынычы көзге чорда да югары: моңа коры үлән, коелган яфраклары, шулай ук өй тирәсендәге участокны тәртипкә салчы һәм урманга гөмбәгә йөрүче кешеләрнең гамәлләре сәбәп булырга мөмкин», – дип өстәде ул.

Әгәр урманда яки урманга якын җирләрдә ут чыгуны күрсәгез, 112, 8-800-100-94-00, 8 (843) 221-37-95 номерларына шалтыратырга кирәк, дип искәрттеләр ведомствода.